ମୁଠାଏ ଅନ୍ନ
କବି ଗଜାନନ ମିଶ୍ର
1
ଦିଅ, ଦିଅ ଅନ୍ନ ମୁଠାଏ,
ଅନ୍ନରୁ ଗଢିବି ଶରୀର
ଶରୀର ମାଧ୍ୟମରେ ହେବ
ସବୁ ଧର୍ମ ସବୁ କର୍ମ।
କର୍ମର ନିୟମ ଧର୍ମର ନିୟମ
ବାନ୍ଧି ରଖିଛି ସବୁ ଦିନ
ଦିଅ, ଦିଅ ମୁଠାଏ ଅନ୍ନ
ଅନ୍ନରେ ସଚରାଚର ହେଉ ଧନ୍ୟ ।
2
ଅନ୍ନ ମୋରି ସୃଷ୍ଟ
ଅନ୍ନ ଯୋଗୁଁ ଗତାଗତ
ସ୍ଥାବର ଜଙ୍ଗମାଦି
ଅନ୍ନରେ ବଶୀଭୂତ ।
ସତ୍ୟ ହେଉଛି ଅନ୍ନ
ସତ୍ୟ ସିଂହାସନ ସତ୍ୟ ନିୟମ
ସତ୍ୟ ଗମନ ସତ୍ୟ ବିଧାନ
ସତ୍ୟ ଭୋଜନ ଅନ୍ନ।
3
ପତ୍ରାସନ ପବନ ପରମ ବ୍ରହ୍ମ
ଶୂନ୍ୟ ଅନ୍ନ ତୋଷମନ।
ମନ ରହେ ଅନ୍ନରେ
ଅନ୍ନରେ ପୁଣି ହୁଏ ସବୁ ଲୀନ।
ଲୀନରେ ପ୍ରାପ୍ତ ହୁଅନ୍ତି
ଯେ ଝା ସ୍ଥାନ।
ସାଧି ପାରିଲେ ଜୀବ ବ୍ରହ୍ମ
ଉଦେ ବୈରାଗ୍ୟ ଜ୍ଞାନ।
4
ଖୋଲ ଲୋଚନ ଅନୁଦିନ
ବାନ୍ଧିବାକୁ କାର୍ଯ୍ୟ କାରଣ।
ଅନ୍ନ-ଭାବ ଘେନ
ପୁଣି ପୁଣି ଲଭ ଦର୍ଶନ
ମରଣୁ ଜନ୍ମ ସାବଧାନ
ଲଭ ଜନ ଧନ କୀର୍ତ୍ତିମାନ।
ଏ ଅନ୍ନ ଆଖ୍ୟାନ
ତୁମର କେବଳ ସୁଜନ।
23/08/2020; ଭୁବନେଶ୍ବର ।